دنیا کا مقبول ترین سرچ انجن ’گوگل‘ 23 برس کا ہوگیا۔اپنی 23ویں سالگرہ کے موقع پر گوگل نے نیا ڈوڈل بھی جاری کیا ہے۔
سرچ انجن گوگل کا قیام 1996 میں عمل میں آیا تھا جسے کیلیفورنیا کی اسٹینفورڈ یونیورسٹی کے دو طالب علموں لیری پیج اور سرجی برین کی جانب سے تیار کیا گیا تھا جو آج دنیا میں سب سے زیادہ استعمال ہونے والا سرچ انجن ہے۔
گوگل دنيا بھر ميں ايک سو پچاس سے زائد زبانوں ميں خدمات انجام دے رہا ہے۔ دنیا بھر میں ايک ارب سے زائد صارف گوگل سروسز سے فائدہ اٹھا رہے ہيں۔
