لاہور: ملک کے نامور ماہر علم نجوم راجہ حیدر نے اہم پیشگوئیاں کی ہیں۔
راجہ حیدر نے حال ہی میں ایک ویب شو میں شرکت کی جس میں انہوں نے کہا کہ آئندہ ماہ فروری کے دو دن ایسے ہوں گے جس میں ہر خواہش پوری ہو سکتی ہے۔
انہوں نے کہا کہ اس سال میں دو دن ایسے آنے والے ہیں جس میں جو مانگیں گے وہ ملے گا، جو کریں گے وہ 10 گنا زیادہ ہو گا۔
ان دنوں کے حوالے سے راجہ حیدر نے بتایا کہ وہ تاریخ 2 فروری 2022 اور 22 فروری 2022 ہیں۔ان دنوں کی خاص بات یہ ہے کہ اس میں (2,2) کے ہندسے آتے ہیں۔
راجہ حیدر نے مزید پیشگوئی کرتے ہوئے کہا کہ اس سال پاکستان شوبز انڈسٹری میں سات بڑی شادیاں ہوں گی جن میں سے اسی سال دو ختم ہو جائیں گی۔
انہوں نے ایک اداکارہ کا نام لیے بغیر کہا کہ ایک خوبصورت سی دبلی پتلی اداکارہ ہیں، ان کی شادی رواں برس 7 جون سے قبل ختم ہو جائے گی، وہ اس کا اعلان کریں گی اور بتائیں گی کہ ہماری علیحدگی ہو چکی ہے۔
