ایک غیر ملکی کمپنی نے سونے کی اینٹوں کا استعمال کرتے ہوئے اپنے ملازمین کو تنخواہ کی انوکھی ادا ئیگی کرکے نئی مثال قائم کردی۔
دنیا بھر میں کورونا وائرس کی وبا کے منفی اثرات مرتب ہوئے ہیں جس کے سد باب کیلئے مختلف کمپنیاں بحران پر قابو پانے کیلئے حکمت عملی مرتب کررہی ہیں۔
اسی تناظر میں کمپنی ملازمین کو تنخواہوں کی ادائیگی میں نمایاں تبدیلی دیکھنے میں آئی ہے، اس کیلئے اب ملازمین کی ان کی مجموعی تنخواہ کے طور پرفوڈ کوپنز، تفریحی الاؤنس اور دیگر ٹوکنز
بڑے پیمانے پر ادا کیے جارہے ہیں۔
ماہانہ تنخواہ سے منسلک مراعات ملازمین کی زندگی کو سہل بنا دیتے ہیں۔ اس کے علاوہ کچھ ایسی کمپنیاں بھی ہیں جو اپنے ملازمین کو قیمتی اشیاء اور ایسی چیزوں کی صورت میں معاوضہ دیتی ہیں جن کو فروخت کرکے ان کی اچھی قیمت وصول ہوجاتی ہے۔
رپورٹس کے مطابق تنخواہ کی ادائیگی کا یہ نظام ایک نئے تجربے کا حصہ ہے، ٹیلی منی نامی کمپنی کے سی ای او نے اپنے ملازمین کو سونے میں ادائیگی کرنے کا موقع فراہم کیا ہے۔
اس حوالے سے سی ای او کیمرون پیری کا کہنا ہے کہ ان کے لیے اپنے عملے کو پاؤنڈز میں ادائیگی کرنا کوئی بڑی بات نہیں لیکن کوویڈ کی وجہ سے موجودہ مالیاتی بحران کے دوران اپنی ٹیم کی مدد کرنے کے لیے سونے کی ادائیگی کے طریقے پر عمل پیرا ہیں۔
