مکیش امبانی اپنی دریا دلی کے لیے بھی شہرت رکھتے ہیں جب کہ ان کے گھر ہونے والی شادی کی تقریبات میں بھی وہ دل کھول کر خرچ کرتے ہیں۔ شادی کی تقریبات انوکھی، منفرد اور بالی ووڈ کے اسٹارز سے سجی ہوتی ہیں۔
مکیش امبانی رفاحی کاموں میں بھی بڑھ چڑھ کر حصہ لیتے ہیں اور اپنے ملازمین کے لیے بھی ایک اچھے باس کی شہرت رکھتے ہیں۔ شوبز اسٹارز امیتابھ بچن، شاہ رخ خان اور سلمان خان کی طرح مکیش امبانی بھی اپنے ڈرائیورز اور باڈی گارڈز کو حیرن کن تنخواہیں دیتے ہیں۔
بھارتی میڈیا نے انکشاف کیا ہے کہ بزنس ٹائیکون مکیش امبانی کے ڈرائیورز دنیا کی بہترن اور جدید ترین بلٹ پروف گاڑیاں چلانے کی مہارت رکھتے ہیں اور ایک ڈرائیور کی تنخواہ آج سے 6 سال قبل بھی دو لاکھ روپے ماہانہ تھی۔
اس سے زاندازہ لگایا جا سکتا ہے کہ اس وقت ڈرائیور کی تنخواہ کیا ہوگی۔امبانی گھرانے کے ڈرائیورز کی بھرتیاں پرائیویٹ کنٹریکٹنگ فرم کے ذریعے کی جاتی ہیں اور ان ڈرائیوز کو ارب پتی خاندان کے پرتعیش طرز زندگی کو برقرار رکھنے کے لیے سخت تربیت سے گزرنا ہوتا ہے۔
بھارتی میڈیا رپورٹ کے مطابق باورچیوں، گارڈز اور ہاؤس کیپنگ اسٹاف سے لے کر ملازمین کو تنخواہ کے ساتھ ساتھ الاؤنس اور انشورنس بھی فراہم کی جاتی ہے۔
