امریکہ میں پاکستانی سفیر مسعود خان نے کہا ہے کہ پاکستان جنگ کا میدان نہیں بلکہ دو عالمی طاقتوں کیلئے میٹنگ پوائنٹ ہوسکتا ہے۔
واشنگٹن میں مقامی تھنک ٹینک سے خطاب کرتے ہوئے مسعود خان نے کہا امریکہ اور چین تعاون کے فروغ میں پاکستان اہم کردار ادا کر سکتا ہے، دونوں ممالک پاکستان کے مختلف شعبوں میں سرمایہ کاری کریں۔
انہوں نے کہا کہ اسٹریٹجک توازن کو برقرار رکھنے، انسداد دہشت گردی کیلئے پاکستان کو فوجی ساز و سامان اور فنانسنگ کی بحالی کیلئے امریکی فیصلوں کے منتظر ہیں۔
انہوں نے کہا کہ امریکا جنوبی ایشیا کی سلامتی کے حوالے سے بھی توجہ مرکوز کرے، طالبان، داعش اور القاعدہ جیسے گروپوں سے لاحق خطرے کو ختم کرنے کیلئے مربوط حکمت عملی کی ضرورت ہے۔
