تل ابیب: شمالی اسرائیل کے شہر نہریہ میں حزب اللہ کے راکٹ حملے میں 2 اسرائیلی ہلاک ہوگئے۔
اسرائیلی میڈیا کے مطابق شمالی اسرائیل پر حزب اللہ کی جانب سے 10 سے زیادہ راکٹ فائر کیے گئے جن میں سے کچھ فضا میں ہی تباہ کردیے گئے جبکہ کچھ مختلف مقامات پر آکر گرے۔
حزب اللہ کے راکٹ نہریہ شہر میں ایک گودام پر بھی گرے جس کےنتیجے میں 2 افراد ہلاک ہوگئے۔
اسرائیلی میڈیا کے مطابق اسی راکٹ حملے کے دوران ایک دوسرے مقام پر راکٹ گرنے سے 2 اسرائیلی زخمی بھی ہوئے۔
اسرائیلی میڈیا کا کہنا ہے کہ حزب اللہ نے شمالی اسرائیل کے ساتھ ساتھ تل ابیب کو راکٹ حملے کا نشانہ بنایا۔
