ایس آئی ایف سی کی سہولت کاری سے تل کے بیجوں کی برآمدات میں 366 فیصد اضافے سے پاکستان دنیا کا تیسرا بڑا برآمد کنندہ بن گیا۔
تل کے بیجوں کی سالانہ برآمدات 1 ارب ڈالر سے تجاوز کر گئیں جس کے سبب پاکستان کا زرعی شعبہ مستحکم ہو رہا ہے۔ تل کے بیجوں کی برآمدات میں اضافہ پاکستان کی معیشت کو مستحکم اور درآمدات کم کرنے میں معاون ہے۔
اس کے ساتھ، تل کے بیجوں کی پیداوار 455 فیصد اضافے کے ساتھ سالانہ 1.119 ملین ٹن تک پہنچ گئی ہے۔
وفاقی وزیر برا ئے نیشنل فوڈ سیکیورٹی رانا تنویر حسین کا کہنا ہے کہ تلوں کی پیداوار نے پاکستان کی معیشت کو نئی رفتار دی ہے۔
تلوں کی پروسیسنگ ٹیکنالوجیز میں بہتری سے مصنوعات کی معیاری پیداوار میں مزید اضافہ متوقع ہے۔
ایس آئی ایف سی کے تعاون سے پاکستانی تل کے بیجوں کی عالمی سطح پر تشہیر کے لیے وزارتِ تجارت کا فعال کردار رہا۔ حکومت تلوں کی پیداوار اور مارکیٹ تک رسائی میں مزید اضافے کے لیے پرعزم ہے۔
