بھارتی کرکٹ ٹیم کے کپتان روہت شرما، جو اکثر اپنے فون اور پاسپورٹ بھول جانے کے لیے جانے جاتے ہیں، اس بار چیمپئنز ٹرافی 2025ء جیتنے کے بعد ٹرافی بھی بھول گئے۔
سوشل میڈیا پر وائرل ہونے والی ایک ویڈیو میں روہت شرما کو پریس کانفرنس کے بعد چیمپئنز ٹرافی چھوڑ کر جاتے ہوئے دیکھا جا سکتا ہے۔ بھارتی کرکٹ ٹیم کے کپتان اپنی بھولنے کی عادت کے سبب پہلے ہی مشہور ہیں، کبھی مناسب الفاظ کا استعمال بھول جاتے ہیں تو کبھی اپنا آئی فون اور پاسپورٹ۔
یاد رہے کہ 2 سال قبل ایشیاء کپ کی جیت کے بعد، بھارتی کپتان سری لنکا سے بھارت واپس جانے کے لیے اپنا پاسپورٹ ہوٹل میں ہی بھول گئے تھے۔
پاکستانی کرکٹ ٹیم کے بلے باز امام الحق نے ایک انٹرویو میں انکشاف کیا تھا کہ بابر اعظم نے روہت شرما کا آئی فون گم ہونے سے بچایا تھا۔ امام الحق کے مطابق، ورلڈ کپ 2023ء سے قبل ٹیموں کے کپتانوں کے میٹ اپ کے دوران، روہت شرما نے نیا آئی فون اور ایئر پوڈز خریدے تھے، اور بابر اعظم نے دو مرتبہ ان کا آئی فون واپس کیا۔
