دبئی: انٹرنیشنل کرکٹ کونسل (آئی سی سی) نے ون ڈے پلیئرز رینکنگ جاری کر دی۔ آئی سی سی کی رینکنگ کے مطابق ون ڈے میں بلے بازوں کی فہرست میں بھارتی کھلاڑی شبھمن گل کا پہلا نمبر برقرار ہے، جبکہ بابر اعظم دوسری پوزیشن پر ہیں۔ بھارتی کھلاڑی روہت شرما دو درجے بہتری کے بعد تیسرے نمبر پر پہنچ گئے۔
جنوبی افریقہ کے ہینرک کلاسن چوتھے اور ویرات کوہلی پانچویں نمبر پر ہیں۔ ون ڈے بالرز کی رینکنگ میں سری لنکا کے مہیش تھیکشانہ پہلی پوزیشن پر ہیں، جبکہ نیوزی لینڈ کے کپتان مچل سینٹنر بہترین کھیل پیش کرنے کے بعد چھٹے سے دوسرے نمبر پر آگئے۔
بھارتی اسپن بالر کلدیپ یادیو تین درجے بہتری کے بعد تیسرے نمبر پر آ گئے، جنوبی افریقہ کے کیشو مہراج چوتھے اور نامیبیا کے برنارڈ اسکالٹز پانچویں نمبر پر ہیں۔ قومی ٹیم کے فاسٹ باؤلر شاہین شاہ آفریدی نویں نمبر پر ہیں۔
ون ڈے آل راؤنڈرز رینکنگ میں افغانستان کے عظمت اللہ عمرزئی پہلے نمبر پر برقرار ہیں، جبکہ محمد نبی دوسرے اور زمبابوے کے سکندر رضا تیسری پوزیشن پر ہیں۔ نیوزی لینڈ کے کپتان مچل سینٹنر ایک درجہ بہتری کے ساتھ چوتھے نمبر پر آگئے۔
