کراچی: پاکستان اسٹاک ایکسچینج (PSX) میں آج کاروبار کا ریکارڈ ساز دن رہا، جہاں 100 انڈیکس نئی تاریخی سطح پر پہنچ گیا۔
کاروباری دن کے دوران، 100 انڈیکس نے پہلی بار 1,19,000 پوائنٹس کی حد عبور کی اور 119,421 پوائنٹس کی بلند ترین سطح تک پہنچا۔ کاروبار کے اختتام پر 100 انڈیکس مجموعی طور پر 795 پوائنٹس کے اضافے سے 1,18,769 پوائنٹس پر بند ہوا۔
پاکستان اسٹاک مارکیٹ میں زبردست تیزی، سرمایہ کاروں کا اعتماد بحال
آج کے دن پاکستان اسٹاک ایکسچینج میں 66 کروڑ شیئرز کے سودے 38 ارب روپے میں طے ہوئے، جبکہ مارکیٹ کیپٹلائزیشن میں 75 ارب روپے کا اضافہ دیکھنے میں آیا اور اس کا حجم 14,430 ارب روپے تک پہنچ گیا۔
ماہرین کا کہنا ہے کہ یہ مثبت رجحان ملک میں سرمایہ کاروں کے بڑھتے ہوئے اعتماد کو ظاہر کرتا ہے، جو کہ معاشی استحکام اور بہتر مالیاتی پالیسیوں کا نتیجہ ہے۔
