وزیر اعظم عمران خان نے تجارت اور صنعت کی وزارتوں کو بڑھتی ہوئی طلب کو پورا کرنے کے لئے ٹیکسٹائل کے شعبے کے لئے تمام ضروری معاونت کی دستیابی یقینی بنانے کی ہدایت کردی ہے۔
اپنی ٹوئٹ میں وزیراعظم نے کہا کہ ٹیکسٹائل کا شعبہ کورونا وبا کے باوجود ہماری معیشت میں ہونے والی مثبت پیشرفت میں سے ایک ہے۔ فیصل آباد کی ٹیکسٹائل انڈسٹری کو ملنے والے ڈیمانڈ اینڈ ایکسپورٹ آرڈرز میں بڑا اضافہ دیکھنے میں آرہا ہے۔
وزیراعظم کا کہنا تھا کہ میں نے تجارت اور صنعت کی وزارتوں کو احکامات دیے ہیں کہ اس بڑھتی ہوئی طلب کو پورا کرنے کے لئے ٹیکسٹائل کے شعبے کے لئے تمام ضروری معاونت کی دستیابی یقینی بنائیں۔
