مقبوضہ بیت المقدس میں جمعۃ الوداع پر مسجد اقصیٰ میں ایک لاکھ سے زائد فلسطینیوں نے نماز ادا کی۔
اسرائیل کی جانب سے ماہ رمضان میں مسلمانوں پر مسجد اقصیٰ میں داخلے پر پابندی عائدکی گئی تھی۔
اسرائیلی پابندی کے باوجود فلسطینی عوام ماہ رمضان میں نماز کے لیے مسجد اقصیٰ میں داخل ہونے میں کامیاب رہے۔
محکمہ اسلامی اوقاف کے مطابق تقریباً ایک لاکھ 20 ہزار سے زائد فلسطینیوں نے مسجد اقصیٰ میں جمعتہ الوداع کی نماز ادا کی۔
رپورٹس کے مطابق اسرائیلی پولیس نے اس سے قبل فجر کی نماز کے دوران 8 افراد کو گرفتار کیا اور آنسو گیس کی شیلنگ بھی کی گئی۔
دوسری جانب مسجد الحرام میں جمعتہ الوداع پر نماز جمعہ کا روح پرور اجتماع منعقد ہوا جس میں دنیا بھر سے آئے لاکھوں مسلمانوں نے شرکت کی۔
جمعتہ الوداع کے اجتماع میں امتِ مسلمہ کی ترقی، خوش حالی اور غزہ میں جنگ بندی اور فلسطینی مسلمانوں کے لیے خصوصی دعائیں کی گئیں۔
