پنجاب حکومت کی جانب سے صوبے میں زرعی ٹیکس لاگو کرنےکے خلاف صدر پاکستان کسان اتحاد خالد کھوکھر نے آئندہ ماہ دسمبرمیں پورے ملک میں بھرپور احتجاجی تحریک شروع کرنے کا اعلان کردیا ہے ۔
صدر پاکستان کسان اتحاد خالد کھوکھرنے کہا ہے کہ ہماری فصلوں کی پیداوار انتہائی کم ہوگئی ہے، پیداواری لاگت حاصل کرنا ممکن نہیں رہا ہے، زرعی ٹیکس لاگو کرنا قابل مذمت ہے۔
خالد کھوکھرنے کہا ہے کہ اگلے سال گندم کم پیدا ہوگی ،عالمی ایجنڈے کے تحت ملک میں زراعت کو کم کردیا گیا، حکمرانوں کی وجہ سے زراعت اب منافع بخش کاروبار نہیں رہا ہے۔
صدر پاکستان کسان اتحاد کا کہناتھا کہ ہمارے پاس احتجاج کے سوا کوئی راستہ نہیں بچا ہے، اس لئے اآئندہ ماہ سے زرعی ٹیکس کے خلاف بھرپور احتجاج تحریک شروع کررہے ہیں۔
