کراچی:
بین الاقوامی بلین مارکیٹ کے بعد مقامی صرافہ مارکیٹ میں بھی سونے کی قیمت میں اضافے کا سلسلہ بدستور جاری ہے۔
بین الاقوامی بلین مارکیٹ میں فی اونس سونے کی قیمت 8 ڈالر کے اضافے سے 2631 ڈالر کی سطح پرآگئی ہے۔
مقامی صرافہ مارکیٹ میں فی تولہ سونے کی قیمت 800 روپے بڑھ کردو لاکھ 74 ہزار 300 روپے ہوگئی ہے اور فی دس گرام سونے کی قیمت 686 روپے اضافے سے دو لاکھ 35 ہزار 168 روپے کی سطح پر آگئی ہے۔
خیال رہے کہ عالمی اور مقامی مارکیٹ میں سونے کی قیمت میں گزشتہ دو روز بھی مسلسل اضافہ ہوا تھا، گزشتہ روز عالمی مارکیٹ میں سونے فی اونس قیمت میں 36 ڈالر اور مقامی مارکیٹ میں فی تولہ قیمت میں 3600 روپے بڑھ گئے تھے۔
