پاکستان کرکٹ بورڈ نے آئی سی سی چیمپئنز ٹرافی کے ایونٹ کو بھرپور طریقے سے پیش کرنے کے لیے تقریبات کا شیڈول ترتیب دے دیا۔
ذرائع کا کہنا ہے کہ پاکستان کرکٹ بورڈ نے چیمپئنز ٹرافی کی افتتاحی تقریبات کا شیڈول تیار کر لیا اور چیئرمین محسن نقوی نے تمام تقریبات کی حتمی منظوری دے دی۔
چیمپئنز ٹرافی کیلئے پنڈی سمیت ملک کے تین اسٹیڈیمز کو نیا روپ دیا گیا ہے۔
7 فروری کو قذافی اسٹیڈیم کی افتتاحی تقریب منعقد ہوگی جس کے متوقع طور پر وزیر اعظم شہباز شریف مہمان خصوصی ہوں گے ۔
ذرائع کا کہنا ہے کہ نیشنل اسٹیڈیم کراچی کی افتتاحی تقریب 11 فروری کو ہوگی۔ صدر آصف زرداری تقریب کے متوقع مہمان خصوصی ہوں گے۔
چیمپئنز ٹرافی کی افتتاحی تقریب حضوری باغ میں 16 فروری کو منعقد ہو گی۔ تقریب میں اہم ملکی شخصیات، کرکٹرز اور آئی سی سی آفیشلز شریک ہوں گے۔
ایونٹ کے شیڈول اور ٹیموں کی پاکستان آمد میں تاخیر کی وجہ سے چیمپئنز ٹرافی کی افتتاحی تقریب میں تمام ٹیموں کے کپتانوں کی شرکت یقینی نہیں اور تمام 8 ٹیموں کے کپتانوں کی پریس کانفرنس اور ٹرافی کے ساتھ فوٹو شوٹ بھی نہیں ہوسکے گا۔
واضح رہے کہ آئی سی سی چیمپنئز ٹرافی کا آغاز 19 فروری سے ہوگا، جہاں کراچی کے نیشنل اسٹیڈیم میں پاکستان اور نیوزی لینڈ کے درمیان افتتاحی میچ کھیلا جائے گا۔
