کراچی میں کھیلے گئے پاکستان سپر لیگ کے میچ میں فاسٹ بولر حسن علی نے ایک اہم سنگ میل عبور کر لیا۔
جمعہ کو ہونے والے اس مقابلے میں کراچی کنگز اور کوئٹہ گلیڈی ایٹرز کے درمیان زبردست مقابلہ ہوا، جہاں کراچی نے پہلے بیٹنگ کرتے ہوئے 175 رنز بنائے۔
جواب میں کوئٹہ کی ٹیم 176 رنز کے ہدف کا پیچھا کرنے میں ناکام رہی اور صرف 119 رنز پر آؤٹ ہو گئی، جس کے نتیجے میں کراچی نے یہ میچ 56 رنز سے جیت لیا۔
حسن علی نے شاندار بولنگ کا مظاہرہ کرتے ہوئے 3 وکٹیں حاصل کیں اور اسی میچ میں وہاب ریاض کا ریکارڈ توڑ کر پی ایس ایل میں سب سے زیادہ وکٹیں لینے والے بولر بن گئے۔
انہوں نے 84 اننگز میں 116 وکٹیں لے کر یہ اعزاز حاصل کیا۔ کراچی کنگز نے اب تک ٹورنامنٹ میں 3 میچز کھیلے ہیں، جن میں سے 2 میں کامیابی حاصل کی جبکہ ایک میں انہیں شکست کا سامنا کرنا پڑا۔
