سابق آسٹریلوی کپتان رکی پونٹنگ نے پیشگوئی کرتے ہوئے کہا ہے کہ آسٹریلیا اور بھارت کے درمیان آئی سی سی چیمپئنز ٹرافی کا فائنل میچ ہو گا۔
رکی پونٹنگ کا کہنا تھا کہ پاکستانی ٹیم دونوں ٹیموں کے لیے چیلنج بنے گی تاہم آسٹریلیا اور بھارت کی ٹیموں میں کوالٹی پلیئرز موجود ہیں، ان ٹیموں کی حالیہ تاریخ اور آئی سی سی ایونٹس میں کارکردگی سب کچھ واضح کرتی ہے۔
سابق آسٹریلوی کپتان نے کہا کہ بھارت اور آسٹریلیا کو فائنلسٹ ٹیموں کے لیے نظر انداز نہیں کیا جا سکتا، ایک اور ٹیم جو اس وقت کچھ اچھی کرکٹ کھیل رہی ہے وہ پاکستان ہے، ان کی ون ڈے کرکٹ کچھ عرصے سے شاندار ہے۔
انہوں نے کہا کہ بڑے ٹورنامنٹ میں پاکستان کے بارے میں زیادہ پیشگوئی نہیں کی جا سکتی لیکن پاکستان نے کچھ چیزوں کو بہت بہتر کر لیا ہے۔
