انگلینڈ کے فاسٹ بولر جوفرا آرچر نے آئی پی ایل کی تاریخ کا مہنگا ترین اسپیل کر کے ایک ناخوشگوار ریکارڈ اپنے نام کر لیا ہے۔
اتوار کو آئی پی ایل کے 18 ویں سیزن میں راجستھان رائلز اور سن رائزز حیدرآباد کے درمیان ایک زبردست مقابلہ ہوا، جہاں حیدرآباد کے بیٹرز نے شاندار بیٹنگ کا مظاہرہ کرتے ہوئے راجستھان کے بولرز کو بے حال کر دیا۔ انہوں نے 6 وکٹوں کے نقصان پر 286 رنز بنا کر آئی پی ایل کی تاریخ کا دوسرا بڑا اسکور حاصل کیا۔
راجستھان رائلز کے بولر جوفرا آرچر نے اس میچ میں 4 اوورز پھینکے اور 76 رنز دیے، بغیر کسی وکٹ کے۔ یہ آئی پی ایل کی تاریخ میں کسی بھی بولر کا سب سے مہنگا اسپیل بن گیا ہے۔
اس سے پہلے یہ ناپسندیدہ ریکارڈ گجرات ٹائٹنز کے بولر موہت شرما کے پاس تھا، جنہوں نے 4 اوورز میں 73 رنز دیے تھے۔
سن رائزز حیدرآباد کے 287 رنز کے ہدف کے جواب میں راجستھان کی ٹیم صرف 242 رنز بنا سکی۔
