پاکستان سپر لیگ (پی ایس ایل) کے 10 ویں ایڈیشن کے لیے کراچی کنگز نے آسٹریلوی بیٹر ڈیوڈ وارنر کو کپتان بنا دیا ہے۔ کراچی کنگز نے ڈیوڈ وارنر کو پی ایس ایل 2025 کے ڈرافٹ میں پلاٹینم کھلاڑی کے طور پر اپنی پہلی باری میں منتخب کیا تھا۔
کراچی کنگز کے مالک نے وارنر کا خیرمقدم کرتے ہوئے کہا کہ ان کی قیادت اور میچ جیتنے کی صلاحیت ٹیم کے وژن کے ساتھ بالکل ہم آہنگ ہے۔ یاد رہے کہ کراچی کنگز اپنا پہلا میچ 12 اپریل کو اپنے ہوم گراؤنڈ میں ملتان سلطانز کے خلاف کھیلے گی۔
