کراچی کنگز کے فاسٹ بولر حسن علی کو ان کی میدان میں ہنسی مذاق اور مزاحیہ حرکات کی وجہ سے آسٹریلوی اسپورٹس پریزینٹر ایرن ہالینڈ نے "جوکر" کہہ کر پکارا۔ یہ تبصرہ نیشنل بینک اسٹیڈیم کراچی میں کراچی کنگز اور کوئٹہ گلیڈی ایٹرز کے درمیان ہونے والے میچ کے دوران ہوا، جہاں کراچی کنگز نے شاندار کھیل کا مظاہرہ کرتے ہوئے 67 رنز سے فتح حاصل کی۔
ایرن ہالینڈ کا تبصرہ ایک مزاحیہ اور دوستانہ انداز میں تھا، جس پر حسن علی نے بھی مسکرا کر مثبت انداز میں ردعمل دیا۔ انہوں نے کہا کہ اگر ان کی حرکتوں سے شائقین محظوظ ہوتے ہیں تو انہیں خوشی ہوتی ہے۔
یاد رہے کہ حسن علی نے حال ہی میں وہاب ریاض کا پی ایس ایل میں سب سے زیادہ 113 وکٹوں کا ریکارڈ توڑا ہے، جس کے بعد وہ لیگ کے لیڈنگ وکٹ ٹیکر بن چکے ہیں۔
