پاکستانی اداکار اور گلوکار فرحان سعید نے بھارتی حکومت کی جانب سے پاکستانی فنکاروں کے ڈیجیٹل اور سوشل میڈیا چینلز پر پابندی کے فیصلے پر اپنی رائے دی ہے۔ انہوں نے انسٹاگرام پر اپنے پیغام میں بھارتی مداحوں کے ساتھ یکجہتی کا اظہار کرتے ہوئے کہا کہ اس پابندی سے صرف بھارت کو نقصان ہوگا۔
فرحان سعید، جو کئی مشہور ڈراموں میں اپنی شاندار اداکاری کی وجہ سے جانے جاتے ہیں، نے کہا کہ فن کبھی بھی سرحدوں کا محتاج نہیں ہوتا اور مداح ہمیشہ راستہ نکال لیتے ہیں۔ ان کے اس بیان پر سوشل میڈیا پر مختلف ردعمل دیکھنے کو ملے، جہاں کچھ صارفین نے ان کے انداز کو سراہا جبکہ دیگر نے پاکستانی فنکاروں سے بھارت کے اقدامات کو بے نقاب کرنے کی اپیل کی۔
