کراچی : پاکستان سٹاک ایکس چینج میں ماضی کے تمام ریکارڈٹوٹ گئے ، آج 1 ارب 56 کروڑ33 لاکھ سے زائد شیئرز کا کاروبار ہوا ، جو تاریخ میں کسی ایک دن میں کاروبار کا یہ سب سے بڑا حجم ہے ۔
تفصیلات کے مطابق پاکستان سٹاک ایکس چینج میں کاروبارکا اختتام ہوگیا ، کاروباری ہفتےکےتیسرےروزتیزی کارجحان رہا ، انڈیکس میں اختتام پر511 پوائنٹس کااضافہ ہوا اور انڈیکس 46 ہزار812پوائنٹس کی سطح پربندہوا۔
آج ریکارڈ 1 ارب 56 کروڑ33 لاکھ سے زائدشیئرز کےسودے ہوئے اور کاروبار کئے گئے شیئرز کی مالیت 28 ارب 33 کروڑ سے زائد رہی۔
پاکستان سٹاک ایکس چینج میں ریکارڈ تاریخی ٹریڈنگ دیکھی گئی ، سٹاک ایکسچینج کی تاریخ میں کسی ایک دن میں کاروبارکا یہ سب سےبڑا حجم ہے۔
سٹاک ایکس چینج میں چھوٹی مالیت کےشیئرز میں 49فیصدٹریڈنگ ہوئی جبکہ سٹاک ایکس چینج کی تاریخ میں ایک دن میں84 فیصد شیئرز کی ٹریڈنگ ریکارڈ کی گئی۔
اس سے قبل 11 فروری 2021 کو سب سے زیادہ ایک ارب 125کروڑ حصص کاکاروبار ہوا تھا۔
اس حوالے سے ماہر معیشت مزمل اسلم نے کہا کہ اسٹاک مارکیٹ کا یہ وہ وقت ہے جو 2004میں دیکھتے ہیں، ناصرف اسٹاک مارکیٹ بلکہ معاشی سطح پر بھی بہتری آرہی ہے ، 2018کےمقابلے میں اب صرف ایک تہائی قرضہ لینے کی ضرورت ہوگی۔
