کراچی :اوجی ڈی سی ایل نے ایل پی جی کی قیمت میں6.09 روپے فی کلو کا مزید اضافہ کردیا ، چیئرمین ایل پی جی ڈسٹری بیوٹرزایسوسی ایشن نے 30جون کوملک گیرہڑتال کا اعلان کردیا ہے۔
تفصیلات کے مطابق او جی ڈی سی ایل نے 4 دن میں ایل پی جی کی قیمت میں تیسری مرتبہ اضافہ کردیا ، اس بار ایل پی جی کی قیمت میں6.09روپےفی کلو ، گھریلو سلینڈر 93۔71 فی کلو اور کمرشل سلنڈر کی قیمت میں 276.75روپے اضافہ کیا گیا۔
گلگت بلتستان میں ایل پی جی 170روپےفی کلو ، 2000روپےمیں گھریلوسلنڈراور 7720روپےمیں کمرشل سلنڈرفروخت ہو گا
چیئرمین ایل پی جی ڈسٹری بیوٹرزایسوسی ایشن عرفان کھوکر نے کہا ہے کہ 30جون سے ایل پی جی کی قیمت میں10سے 15روپےفی کلومزیداضافہ ہوگا، 30جون کوملک گیرہڑتال کریں گے اور ملک بھرمیں ایل پی جی کی سپلائی بندکردی جائے گی۔
