وفاقی وزیر خزانہ محمد اورنگزیب نے کہا ہے کہ ڈیجیٹائزیشن سے ٹیکس نیٹ کو وسیع کیا جائے گا۔
وفاقی وزیر خزانہ اور ریونیو سینیٹر محمد اورنگزیب سے چیئرمین پی آر بی سی زیاد بشیر کی قیادت میں پاکستان ریٹیل بزنس کونسل (پی آر بی سی) کے وفد نے فنانس ڈویژن میں ملاقات کی۔ وزیر مملکت برائے خزانہ و محصولات علی پرویز ملک بھی موجود تھے۔
پی آر بی سی کے وفد نے ملک میں معاشی حالات کو بہتر بنانے کیلیے حکومت کے اقدامات کو سراہا۔ انھوں نے وزیر خزانہ کو خوردہ (پرچون فروشوں) کاروباروں کو درپیش چیلنجز سے آگاہ کیا۔
وفاقی وزیر خزانہ نے کہا کہ میکنزی اینڈ کمپنی ایف بی آر کی اینڈ ٹو اینڈ ڈیجیٹائزیشن میں مدد کیلیے مصروف عمل ہے جس سے ٹیکس نیٹ کو وسیع کیا جائیگا۔
