میسجنگ ایپ ٹیلی گرام نے مواد کو کنٹرول کرنے سے متعلق اپنی پالیسی چپکے سے تبدیل کردی ہے۔ یہ اقدام فرانس میں کمپنی کے مالک اور سی ای او پاول ڈیوروف کی گرفتاری کے بعد کیا گیا ہے۔
ادارے نے اپنی ویب سائٹ پر بتایا کہ کوئی بھی صارف اب اپنی نجی اور گروپ چیٹ میں غیر قانونی مواد کے بارے میں ادارے کو مطلع کرسکے گا۔ اطلاع ملنے پر ٹیلی گرام کے منتظمین مواد کی جانچ پڑتال کریں گے۔
کمپنی نے ایک خصوصی بٹن فراہم کیا ہے۔ تمام چیٹ گروپس میں رپورٹ کا بٹن موجد ہے۔ کسی بھی خطرناک یا قابلِ اعتراض مواد کی موجودگی پر یہ بٹن دباکر ادارے کے ماڈریٹرز کو بتایا جاسکتا ہے۔
اب تک ٹیلی گرام پر تمام صارفین اپنی افرادی و اجتماعی چیٹس کو نجی رکھنے کے حقدار تھے۔ ادارے نے اپنی پالیسی یکسر تبدیل کردی ہے۔
