بھارت سے تعلق رکھنے والی بچی نے الیکسا سے شرارت کرتے ہوئے اسے ’گالی‘ دینے کا کہا جس پر الیکسا نے دلچسپ جواب دیا۔
ایمازون وائس آرٹسٹ الیکسا دنیا بھر میں مشہور ہے جو مختلف لوگوں کے سوالات کا جواب دیتی ہے۔
اسے استعمال کرنے والے لوگ الیکسا سے دنیا کی معلومات پوچھتے ہیں لیکن ایک بچی نے الیکسا سے 'گالی' دینے کا عجیب و غریب سوال کیا لیکن الیکسا نے اس کا دلچسپ جواب دیا۔
بچی کی یہ ویڈیو سوشل میڈیا پر کافی وائرل ہے جس میں اس نے الیکسا سے ایک نہیں تین بار گالی دینے کا سوال کیا۔
ویڈیو میں دیکھا جاسکتا ہے کہ بچی نے گالی دینے کا سوال کیا تو الیکسا نے کہا 'گالی توبہ توبہ' جس پر بچی ہنس پڑی، دوبارہ اصرار پر الیکسا نے کہا کہ' نہیں میں اس معاملے میں بہت کلچرڈ ہوں' اور پھری تیسری بار پوچھے جانے پر الیکسا نے کہا کہ' گالی دینے کے بعد اسے معافی مانگنی پڑے گی'۔
صرف اتنا ہی نہیں بلکہ الیکسا نے موضوع کو تبدیل کرتے ہوئے کہا کہ ' اس بات کو چھوڑ کر چائے کا کپ پیتے ہیں'۔
بچی کی والدہ کی جانب سے سوشل میڈیا پر اس ویڈیو کو شیئر کیا گیا ہے۔
