دبئی: چیمپئنز ٹرافی 2025 کے فائنل سے قبل بھارتی ٹیم نے تین دن کے آرام کے بعد دبئی کی آئی سی سی اکیڈمی میں بھرپور پریکٹس سیشن کیا، جہاں بیٹرز اور بولرز نے اپنی مہارتوں کو نکھارنے پر توجہ دی۔
بھارتی ٹیم کے اسٹار بیٹرز روہت شرما، ویرات کوہلی اور شبمن گل نے اسپنرز اور فاسٹ بولرز کے خلاف طویل بیٹنگ سیشن کیے، جبکہ ہارڈک پانڈیا، کے ایل راہول اور رویندرا جڈیجا نے بڑے شاٹس کھیلنے کی خصوصی مشق کی، جس میں انہوں نے گراؤنڈ کے باہر چھکے مارنے پر کام کیا۔
دوسری جانب اسپنر ورون چکرورتی نے بولنگ پریکٹس کے ساتھ فیلڈنگ کی ٹریننگ میں زیادہ وقت گزارا، اور مختلف پوزیشنز پر اپنی مہارت کو مزید بہتر بنایا۔
بھارتی بیٹنگ کوچ سیتانشو کوٹک نے "ون وینیو ایڈوانٹیج" کے الزامات کو مسترد کرتے ہوئے کہا کہ "دبئی میں ایسی کوئی برتری نہیں، جیت اچھی کارکردگی پر منحصر ہے، اور اگر خراب کھیل پیش کریں گے تو شکست ہوگی۔"
بھارتی ٹیم ہفتے کی دوپہر 2 سے 5 بجے آخری پریکٹس کرے گی، جبکہ نیوزی لینڈ کے کھلاڑی شام کے وقت اپنی تیاری مکمل کریں گے۔
کیا بھارت چیمپئنز ٹرافی میں کامیابی حاصل کر پائے گا یا نیوزی لینڈ بڑا الٹ پھیر کرے گا؟ فائنل کے لیے سب تیار رہیں!
