روہت شرما نے چیمپئنز ٹرافی کے فائنل میں تاریخ رقم کردی

چیمپیئنز ٹرافی 2025 کے فائنل میں بھارت نے نیوزی لینڈ کے خلاف شاندار بولنگ کا مظاہرہ کیا اور روہت شرما کی قیادت میں 252 رنز کے ہدف کا تعاقب کیا، لیکن بھارتی کپتان نے ایک منفی ریکارڈ بھی اپنے نام کر لیا۔

دبئی میں کھیلے گئے فائنل میں جب نیوزی لینڈ کے کپتان مچل سینٹنر اور روہت شرما ٹاس کے لیے میدان میں اترے، تو بھارتی کپتان ایک ناپسندیدہ ریکارڈ بنانے کے قریب تھے۔

بھارتی کرکٹ ٹیم نے چیمپیئنز ٹرافی 2025 میں غیرمعمولی کارکردگی دکھائی اور فائنل تک تمام ٹیموں کو با آسانی شکست دی، لیکن روہت شرما مسلسل ٹاس ہارنے کے باعث ایک منفرد تاریخ رقم کر چکے ہیں۔

روہت شرما کے مسلسل ٹاس ہارنے کا ریکارڈ

چیمپیئنز ٹرافی کے فائنل میں بھی روہت شرما ٹاس جیتنے میں ناکام رہے، جو ان کے لیے مسلسل 12ویں اور بھارت کے لیے 15ویں میچ میں ٹاس کی شکست تھی۔

یہ مسلسل ٹاس ہارنے کا ورلڈ ریکارڈ برابر ہو چکا ہے، جو اس سے قبل ویسٹ انڈیز کے عظیم بلے باز برائن لارا کے پاس تھا، جنہوں نے 1998 سے 1999 کے درمیان مسلسل 12 میچز میں ٹاس ہارا تھا۔

ورلڈ کپ 2023 سے شروع ہونے والی بدقسمتی

بھارت کے لیے یہ سلسلہ ورلڈ کپ 2023 کے فائنل سے شروع ہوا جب آسٹریلیا کے خلاف ٹاس میں شکست ہوئی اور اب تک ٹیم ٹاس کی قسمت بدلنے میں ناکام رہی ہے۔

یہ ریکارڈ بھارتی شائقین کے لیے مایوس کن ہے، کیونکہ ٹاس کسی بھی بڑے میچ میں فیصلہ کن کردار ادا کر سکتا ہے۔