پاکستانی کرکٹ ٹیم کے نوجوان اوپنر حسن نواز نے نیوزی لینڈ کے خلاف ٹی ٹوئنٹی سیریز میں ایک ناپسندیدہ ریکارڈ اپنے نام کر لیا۔ وہ ایک ہی سیریز میں تین مرتبہ صفر پر آؤٹ ہونے والے پہلے پاکستانی اوپنر بن گئے۔
ویلنگٹن میں کھیلے گئے آخری ٹی ٹوئنٹی میچ میں حسن نواز ایک بار پھر کھاتہ کھولے بغیر پویلین لوٹ گئے۔ اس سے قبل وہ پہلے اور دوسرے ٹی ٹوئنٹی میچ میں بھی صفر پر آؤٹ ہوچکے تھے، جبکہ چوتھے میچ میں صرف ایک رنز بنا سکے۔
دلچسپ بات یہ ہے کہ تیسرے ٹی ٹوئنٹی میچ میں انہوں نے تیز ترین سنچری اسکور کی، لیکن سیریز میں مجموعی طور پر تین بار صفر پر آؤٹ ہو کر ریکارڈ بنا دیا۔
