لاہور : پٹرولیم مصنوعات کی قیمتوں میں حالیہ اضافہ لاہورہائیکورٹ میں چیلنج کردیا گیا ، جس میں پیٹرولیم مصنوعات کی قیمتوں میں اضافہ کالعدم قرار دینے کی استدعا کی گئی ہے۔
تفصیلات کے مطابق لاہور ہائی کورٹ میں پٹرولیم مصنوعات کی قیمتوں میں حالیہ اضافے کیخلاف درخواست دائر کردی گئی ، اظہرصدیق ایڈووکیٹ نےمتفرق درخواست کی۔
درخواست میں مؤقف اختیار کیا گیا ہے کہ پٹرولیم قیمتوں سےمتعلق درخواست لاہورہائیکورٹ میں زیرسماعت ہے، حکومت نےپیٹرولیم مصنوعات کی قیمتوں میں دوبارہ اضافہ کردیا ، قیمتوں میں اضافے سے مہنگائی بڑھے گی۔
درخواست گزار نے استدعا کی پیٹرولیم مصنوعات کی قیمتوں میں اضافہ کالعدم قرار دیاجائے۔
یاد رہے 30 جون کومت نے آئندہ 15 روز کے لیے پیٹرولیم مصنوعات کی قیمتوں میں اضافے کا اعلان کردیا۔
حکومت نے پیٹرولیم مصنوعات کی قیمتوں میں اضافے کا اعلان کیا تھا ، جس کے مطابق پیٹرول کی قیمت میں 2 روپے فی لیٹر اضافہ کیا گیا ہے جس کے بعد پیٹرول کی نئی قیمت 112 روپے 69 پیسے ہوگئی۔
ہائی اسپیڈ ڈیزل کی قیمت میں ایک روپے 44 پیسے فی لیٹر اضافہ کیا گیا جس کے بعد ہائی اسپیڈ ڈیزل کی قیمت 113 روپے 99 پیسے فی لیٹر ہوگئی تھی جبکہ مٹی کا تیل 3 روپے 86 روپے فی لیٹر مہنگا ہوا اور مٹی کے تیل کی نئی قیمت 85 روپے 75 پیسے فی لیٹر ہوگئی۔
