جیولین تھرو مقابلوں میں پاکستانی اتھلیٹ ارشد ندیم بھی بھرپور کوششوں کے باوجود پاکستان کے لیے کوئی میڈل حاصل نہیں کرسکے۔
ٹوکیو اولمپکس کے جیولین تھروکے فائنل مقابلے میں پاکستانی اتھلیٹ ارشد ندیم سمیت دنیا بھر کے 12 بہترین ایتھلیٹ شامل تھے۔ پہلے مرحلے میں ارشد ندیم چوتھے جب کہ دوسرے مرحلے میں پانچویں نمبر پر رہے۔
پاکستان کے کسی اولمپک نے آج تک جیولین تھرو کے مقابلوں میں براہ راست فائنل تک رسائی حاصل نہیں کی اس طرح ارشد ندیم فائنل میں پہنچنے والے پاکستان کے پہلے ایتھلیٹ ہیں۔
ارشد ندیم نے کوالیفائنگ راؤنڈ کے اپنے گروپ میں پچاسی اعشاریہ 16 میٹر کے ساتھ پہلے نمبرپر رہے تھے جب کہ کوالیفائنگ راؤنڈ میں مجموعی طورپر ان کی پوزیشن تیسری رہی تھی۔
دوسری جانب پاکستان اس مرتبہ بھی عالمی مقابلوں کے اس ایونٹ میں کوئی تمغہ حاصل نہیں کرسکا۔
