ہنوئی: سر کے شدید درد میں مبتلا ایک شخص کے سر سے ڈاکٹروں نے علاج کے دوران لکڑی کے چمچے برآمد کرلیے۔
خبر رساں اداروں کے مطابق ویت نام کا ایک باشندہ سر میں شدید درد کا شکار تھا، جس کی و جہ سے نہ صرف وہ بہت پریشان رہا بلکہ علاج کے دوران اس نے معالجین کو بھی حیرت زدہ کردیا، جب اس کی کھوپڑی سے چین کے روایتی لکڑی کے چمچے (چوپ اسٹکس) برآمد ہوئے۔
ویتنامی صوبے کوانگ بِن کا رہائشی ایک شہری کو 5 ماہ سے سر میں درد تھا اور حتیٰ کہ بینائی سے محروم ہوچکا تھا۔نامعلوم شخص کو شہر ڈونگ ہوئی کے کیوبا فرینڈشپ اسپتال میں داخل کرایا گیا۔ متاثرہ شخص کی ناک سے سیال بھی خارج ہونے لگا تھا۔ پوچھے جانے پر اس شخص نے علامات کی کوئی ممکنہ وجہ ظاہر نہیں کی۔
جب سی ٹی اسکین کرایا گیا تو اس میں نیوموسیفیلس ظاہر ہوا جو اس حالت کو کہا جاتا ہے جس میں دماغ کے حصوں میں ہوا پھنس جاتی ہے۔ سی ٹی اسکین متاثرہ شخص کی ناک سے اس کے دماغ تک جانے والی دو چیزیں بھی دکھائی دیں جو کہ جسم کا حصہ نہیں تھیں۔ جب ان کا معائنہ کیا گیا تو وہ چاپ اسٹکس نکلیں۔
