بھارت کی مشہور ڈرامہ سیریز ’کیوںکہ ساس بھی کبھی بہو تھی‘ سے شہرت پانے والے اداکار وکاس سیٹھی انتقال کرگئے۔
بھارتی میڈیا کے مطابق وکاس سیٹھی 48 سال کی عمر میں گزشتہ روز چل بسے۔ ڈاکٹرز کی جانب سے اداکار کے انتقال کی وجہ دل کا دورہ بتائی گئی ہے۔
میڈیا رپورٹس میں بتایا گیا ہے کہ اداکار وکاس سیٹھی کے پسماندگان میں ان کی اہلیہ جھانوی سیٹھی اور جڑواں بچے ہیں۔
خیال رہے کہ وکاس سیٹھی نے کیوںکہ ساس بھی کبھی بہو تھی، کہیں تو ہوگا، کسوٹی زندگی کی سمیت متعدد ڈراموں میں اداکاری کے جوہر دکھائے تھے۔
