لاہور قلندرز نے پاکستان سپر لیگ کے دسویں ایڈیشن کے لیے اپنی نئی جرسی کا اعلان کر دیا ہے۔ اس بار بھی جرسی کے روایتی رنگوں کو برقرار رکھا گیا ہے، اور ٹیم نے اپنے ہوم اور اوے میچز کے لیے مختلف رنگوں میں جرسی متعارف کرائی ہے۔
قلندرز نے سوشل میڈیا پر ایک ویڈیو کے ذریعے اپنی کِٹ کا آغاز کیا، جس میں کپتان شاہین شاہ آفریدی، سکندر رضا، فخر زمان، آصف علی اور دیگر کھلاڑیوں کو نئی جرسی میں دیکھا جا سکتا ہے۔ اس کے ساتھ ہی گریٹر اقبال پارک میں ایک تقریب میں کِٹ کے ساتھ ٹیم کا آفیشل ترانہ بھی پیش کیا گیا۔
اس تقریب میں مشہور گلوکاروں نے شاندار پرفارمنس دی، لیزر شو کا اہتمام کیا گیا، اور کپتان شاہین شاہ آفریدی کی سالگرہ کا کیک بھی کاٹا گیا۔ پی ایس ایل 10 کا افتتاحی میچ 11 اپریل کو اسلام آباد یونائیٹڈ اور لاہور قلندرز کے درمیان راولپنڈی کرکٹ اسٹیڈیم میں کھیلا جائے گا۔
۔
