لاہور: ایچ بی ایل پاکستان سپر لیگ کے دسویں ایڈیشن کے لیے میچ آفیشلز کا اعلان کر دیا گیا ہے۔ اس بار 13 امپائرز اور 7 میچ ریفریز ایونٹ کے دوران اپنی ذمہ داریاں نبھائیں گے۔
پی ایس ایل 11 اپریل سے 18 مئی تک جاری رہے گا۔ امپائرنگ کے لیے آئی سی سی ایلیٹ پینل کے ارکان احسن رضا، پال رائفل اور کمار دھرما سینا کی خدمات حاصل کی گئی ہیں، جبکہ الیکس واف اور کرس براؤن بھی امپائرز میں شامل ہوں گے۔
پاکستان کی جانب سے سینئر امپائر علیم ڈار، آصف یعقوب، فیصل آفریدی، راشد ریاض اور وقار بھی شامل ہیں، جبکہ پی سی بی ایلیٹ پینل کے عبدالمقیت، ناصر حسین، طارق رشید اور ذوالفقار جان بھی فرائض انجام دیں گے۔
یہ علیم ڈار کا پی ایس ایل میں آخری ایڈیشن ہوگا۔
میچ ریفریز میں آئی سی سی ایلیٹ پینل سے رنجن مدوگالے اور سری لنکا کے روشن مہاناما شامل ہیں۔ علی نقوی، محمد جاوید ملک، افتخار احمد، اقبال شیخ اور ندیم ارشد بھی میچ آفیشلز میں شامل ہوں گے۔
