ریکوڈک منصوبے کے لیے 6.4 ارب ڈالر کا فنانشل کلوژر آئندہ ماہ ہو گا۔ ذرائع کے مطابق یو ایس ایگزم بینک، یو کے ایگزم بینک اور عالمی بینک اس مالی بندوبست میں شامل ہیں۔ وفاقی حکومت، بلوچستان حکومت اور ایشیائی ترقیاتی بینک بھی فنانشل کلوژر کا حصہ ہیں۔
ذرائع کا کہنا ہے کہ عالمی شراکت داروں کے ساتھ قرض کی شرائط کو حتمی شکل دی جا رہی ہے، اور فنانشل کلوژر مکمل ہونے کے بعد سرمایہ کاری کا بڑا رخ پاکستان کی جانب متوقع ہے۔ عالمی مالیاتی شراکت داروں سے تقریباً 3 ارب ڈالر کے منصوبے کی تیاری جاری ہے۔
ذرائع کے مطابق ریکوڈک منصوبے کے لیے 3.4 ارب ڈالر وفاقی حکومت کے ذمے ہوں گے، جن میں سے 1.7 ارب ڈالر بلوچستان کے حصے میں آئیں گے۔
فنانشل کلوژر مکمل ہونے کے بعد تقریباً تین سال کے اندر پیداوار شروع ہو سکے گی، جب کہ منصوبے کے پہلے سال وفاق اور بلوچستان کو مجموعی طور پر 3 ارب ڈالر کی آمدنی متوقع ہے۔
