پاکستان اسٹاک ایکسچینج میں آج کاروبار کا مثبت رجحان رہا، 100 انڈیکس میں 808 پوائنٹس کا نمایاں اضافہ دیکھا گیا، جس کے بعد انڈیکس 114,872 پوائنٹس پر بند ہوا۔ دن بھر انڈیکس 2105 پوائنٹس کے بینڈ میں رہا، جو مارکیٹ میں سرگرمی کی عکاسی کرتا ہے۔
کاروباری دن کے دوران 40.99 کروڑ شیئرز کا لین دین ہوا جن کی مالیت 29 ارب روپے سے زائد رہی۔ اسٹاک مارکیٹ کی مجموعی سرمایہ کاری مالیت (مارکیٹ کیپٹلائزیشن) میں بھی 56 ارب روپے کا اضافہ ہوا، جس سے یہ مالیت 13,948 ارب روپے تک پہنچ گئی۔
دوسری جانب انٹربینک مارکیٹ میں روپے کی قدر میں معمولی بہتری دیکھی گئی، امریکی ڈالر 5 پیسے سستا ہوکر 281.02 روپے پر بند ہوا۔
