بی جے پی کا پاکستان مخالف، مسلم مخالف انتخابی ہنگامہ

ہندوستانی عام انتخابات کے 2024 فروری 2019 میں پلوامہ خودکش حملے کے خطوط پر ایک جھوٹی کاروائی سے متاثر ہونے کے امکاناتہے جس میں 40 ہندوستانی نیم فوجی اہلکار ہلاک ہوئے تھے، بہت سے سیکورٹی تجزیہ کاروں کا خیال ہے کہ اگر کوئی ارادہ ہوتا تو اسے روکا جا سکتا تھا تاہم جان بوجھ کر بھارتی حکومت نے یہ واقعہ پلاٹ کیا اور پھر اس کی آڑ لے کر بالاکوٹ میں مہم جوئی کی کوشش کی جس کے جواب میں پاکستان نے جو کاروائی کی وہ دنیا نے دیکھ لی۔پلوامہ کے چرچے سے، مودی ہندوستانی انتخابی سٹیج پر ہندﺅں میں مقبولیت حاصل کی۔ سیاسی تجزیہ نگاروں کا خیال ہے کہ مودی حکومت انتہا پسند ہندو ووٹروں کو متحد کرنے کے لیے مسلم مخالف، پاکستان مخالف اور کشمیر مخالف بیان بازی کا استعمال کر رہی ہے۔ اس فارمولے نے مودی کو 2019 کے عام انتخابات میں بھاری مینڈیٹ کے ساتھ دوبارہ حکومت میں آنے میں مدد کی۔بھارت ملکی اور بین الاقوامی سیاسی فائدے حاصل کرنے کے لیے اپنی خارجہ پالیسی کے آلے کے طور پر پاکستان م کی مخالفت کو استعمال کرتا رہا ہے۔ایک انٹرویو میں، ہندوستان کے زیرِ انتظام کشمیر میں مودی حکومت کے سابق گورنر ستیہ پال ملک نے 2024 کے انتخابات کی مہم شروع ہونے کے ساتھ ہی پلوامہ جیسا فالس فلیگ آپریشن دوبارہ دیکھنے کے امکان کے بارے میں خبردار کیا۔ "مجھے ڈر ہے کہ یہ لوگ کوئی ناخوشگوار واقعہ کر سکتے ہیں۔ اگر وہ پلوامہ حملہ کر سکتے ہیں تو کچھ بھی کر سکتے ہیں۔ انہیں پارلیمنٹ کی کوئی پرواہ نہیں ہے۔ پال کے مطابق اس حملے کی ذمہ داری پاکستان پر ڈالنے کا مقصد اس سانحے سے انتخابی فائدہ حاصل کرنا تھا۔ درحقیقت، پلوامہ حملہ 2019 کے عام انتخابات میں ووٹروں کو متحرک کرنے کے لیے متعدد بار استعمال کیا گیا۔اقتدار میں آنے کے بعد سے ہی، بی جے پی نے ہندوتوا کے نظریے کے تحت ہندوستان کو صرف ایک ہندو قوم میں تبدیل کرنے میں کوئی کسر نہیں چھوڑی ہے جو کہ آئینی طور پر سیکولر ہندوستان کو نسلی ہندو ریاست میں تبدیل کرنے کے ہندو بالادستی کے ایجنڈے کی طرف اشارہ کرتا ہے۔ اس کا مقصد 200 ملین مسلم اقلیت کو دوسرے درجے کے شہریوں میں تبدیل کرنا ہے۔کشمیر 1989 سے بھارتی ظلم وستم کا گڑھ بنا ہوا ہے، جس نے ریاست کو ایک فوجی چھاﺅنی میں تبدیل کر دیا ہے جس میں 700,000 فوجی دستوں کو تعینات کیا گیا ہے ۔جون 2016 سے اپریل 2018 تک خطے میں تشدد کے بارے میں اقوام متحدہ کی رپورٹ میں بتایا گیا ہے کہ ہندوستانی سیکورٹی اہلکاروں کی طرف سے طاقت کا بے تحاشہ استعمال، جس میں پیلٹ گن کی فائرنگ بھی شامل ہے جس نے سینکڑوں کشمیریوں کو اندھا کر دیا۔ پلوامہ کے بعد سامنے آنے والے انٹرویوز سے عبدالاحد بھٹ نامی ایک کشمیری نے میڈیا سے بات کرتے ہوئے کہا، جو لوگ 1990 کی دہائی کے بعد پیدا ہوئے انہوں نے کبھی امن نہیں دیکھا۔ وہ کرفیو کے درمیان پیدا ہوئے اور ختم ہونے سے پہلے ہی مر گئے۔2016 میں بھارتی فورسز کے ہاتھوں برہان وانی کی شہادت کے بعد وادی میں شورش کی ایک تازہ لہر پھوٹ پڑی۔ یہ اس احساس کا آغاز تھا کہ کشمیر کی آزادی کی جدوجہد ایک مقامی جنگ بن چکی ہے جس کا الزام پاکستان جیسی بیرونی طاقتوں پر نہیں ڈالا جا سکتا۔5 اگست 2019 کو بھارت کی طرف سے کشمیر کے الحاق کے بعد سے، بھارت کشمیر کی جدوجہد کو اُجاگر کرنے والے مسلم اکثریتی بیانیے کو کالعدم کرنے کے لیے وادی کی آبادی کو تبدیل کرنے کی کوشش کر رہا ہے۔ ہندوستانی آئین کے تحت جس نے کشمیر کو ایک نیم خود مختار ریاست کا درجہ دیا تھا، کشمیر سے باہر کوئی بھی مقامی باشندے کی حیثیت سے اس خطے میں آباد نہیں ہو سکتا۔ تاہم، کشمیر کی دو وفاقی علاقوں، جموں و کشمیر اور لداخ میں تقسیم کے بعد، کشمیر سے باہر کے لوگوں کو کشمیر میں آباد ہونے، وہاں جائیداد خریدنے اور کاروبار کرنے کی ترغیب دی گئی۔پلوامہ حملے کے بعد، اس بارے میں سوالات اٹھائے گئے کہ کشمیر میں تعینات ہائی پروفائل سیکورٹی دستے کے درمیان 300 کلو گرام دھماکہ خیز مواد سے بھری وین کس طرح پہنچ سکتیہے۔ تاہم، جس نے بھی یہ سوال اٹھایا اسے مودی حکومت نے فوری طور پر ملک دشمن قرار دے دیا، جس نے اس معاملے کو اس وقت تک روکنے میں مدد کی جب تک پال نے اسے دوبارہ مرکزی دھارے میں نہیں لایا۔مناسب سوال یہ ہے کہ کیا بھارت 2024 کے وسط میں ہونے والے آئندہ انتخابات میں بھی یہی حربہ استعمال کرے گا؟پال کے بعد معروف بھارتی وکیل پرشانت بھوشن نے بھی مودی سرکار کی طرف سے لوک سبھا انتخابات 2024 میں جیت کے لیے ہندو ووٹوں کو مزید مضبوط کرنے کے لیے پلوامہ یا بالاکوٹ جیسے واقعے سے خبردار کیا ہے۔ قوم پرستی کے دائرے میں آنے سے انکار نہیں کیا جا سکتا۔ انہوں نے پاکستان سے انتقام کی آڑ میں آزاد جموں و کشمیر میں سرجیکل سٹرائیک کے امکان کا بھی ذکر کیا۔بین الاقوامی برادری کو بی جے پی کی خارجہ پالیسی کا نوٹس لینا چاہئے جو ملکی سیاسی فائدہ کے لیے پاکستان پر الزام تراشی پر مبنی ہے۔( بشکریہ ایکسپریس ٹریبیون، تحریر:دردانہ نجم ترجمہ: ابوالحسن امام)