پاکستان کرکٹ بورڈ (پی سی بی) نے پاکستان سپر لیگ (پی ایس ایل) سیزن 10 میں کراچی کنگز کے فاسٹ باؤلر عامر جمال پر میچ فیس کا 5 فیصد جرمانہ عائد کر دیا ہے۔ یہ جرمانہ پی ایس ایل کے ضابطہ اخلاق کی لیول ون کی خلاف ورزی پر عائد کیا گیا۔
عامر جمال نے پشاور زلمی کے بیٹر حسین طلعت کی وکٹ حاصل کرنے کے بعد میدان میں غیر مناسب اشارے اور جملے استعمال کیے تھے، جس پر پی سی بی نے ایکشن لیا اور انہیں جرمانہ عائد کیا۔ پی سی بی کے ترجمان کے مطابق، عامر جمال کی یہ حرکت کھیل کے اصولوں اور اخلاقی معیار کے خلاف تھی، جس کے باعث ان پر یہ جرمانہ عائد کیا گیا ہے۔
اس فیصلے کے بعد، کراچی کنگز کے باؤلر کو مزید خبردار کیا گیا کہ وہ آئندہ میدان میں کھیل کے ضابطہ اخلاق کا احترام کریں۔
